ឧត្តមសេនីយ៍ឯក ស សេរីវិចិត្រ អញ្ជើញចូលរួមកិច្ចប្រជុំពិភាក្សាការងាររបស់អនុគណៈកម្មការពិធីការ នៃគណៈកម្មការរៀបចំកិច្ចប្រជុំប្រចាំឆ្នាំរបស់អគ្គនាយកអន្តោប្រវេសន៍

ភ្នំពេញ៖ នាព្រឹកថ្ងៃចន្ទ ទី២ ខែធ្នូ ឆ្នាំ២០២៦ ឯកឧត្ដម ឧត្តមសេនីយ៍ឯក ស សេរីវិចិត្រ អគ្គនាយករង នៃអគ្គនាយកដ្ឋានអន្តោប្រវេសន៍ បានអញ្ជើញចូលរួមកិច្ចប្រជុំពិភាក្សាការងាររបស់អនុគណៈកម្មការពិធីការ ក្រោមអធិបតីភាព ឯកឧត្ដម នាយឧត្តមសេនីយ៍ ពិន ពិសិដ្ឋ អគ្គនាយករង នៃអគ្គនាយកដ្ឋានអន្តោប្រវេសន៍ និងជាប្រធានអនុគណៈកម្មការពិធីការ នៃគណៈកម្មការរៀបចំកិច្ចប្រជុំប្រចាំឆ្នាំរបស់អគ្គនាយកអន្តោប្រវេសន៍ និងប្រធានកុងស៊ុលអាស៊ានលើក២៩ (29th DGICM )។

កិច្ចប្រជុំនេះមានការចូលរួមពី អនុប្រធាន និងសមាជិក -សមាជិការ នៃអនុគណៈកម្មការពិធីការ ដើម្បីពិភាក្សាគ្នាក្នុងការបង្កើតក្រុមការងារទទួលខុសត្រូវតាមជំនាញរៀងៗខ្លួន ៕