បន្ទាយមានជ័យ៖ ដោយមានការយកចិត្តទុកដាក់ដ៏ខ្ពង់ខ្ពស់ពី ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ នាព្រឹកថ្ងៃទី១៣ ខែធ្នូ ឆ្នាំ២០២៥ លោកឧត្ដមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ រួមសហការីបានអញ្ជើញនាំយកថវិកា និងកន្ត្រកផ្លែឈើ ជូនដល់កម្លាំងនគរបាល ដែលត្រូវរបួស និងផ្សែងពុល ហើយសំរាកព្យាបាលជំងឺនៅមន្ទីរពេទ្យបង្អែកអូរជ្រៅ ស្រុកអូរជ្រៅ។
កម្លាំងដែលត្រូវចុះសួរសុខទុក្ខរួមមាន៖
១-កម្លាំងអធិការដ្ឋាននគរបាលស្រុកអូរជ្រៅ ចំនួន ២នាក់ ថវិកាចំនួន ១,៨០០,០០០រៀល និងកន្ត្រកផ្លែឈើ២កន្ត្រក
២-កម្លាំងវរសេនាតូចនគរបាលការពារព្រំដែនគោកលេខ៩១១ ចំនួន ១នាក់ ថវិកា ១០០ដុល្លារ
៣-កងកម្លាំងកងពលលេខ៥០៣ ចំនួន ១៣នាក់ ថវិកាសរុប ៨០០ដុល្លារ និង១០មុឺនរៀល
៤-កងកម្លាំងកងរាជអាវុធហត្ថខេត្តចំនួន ២នាក់ ថវិកាចំនួន ២០០ដុល្លារ។
ជាមួយគ្នានោះ លោកឧត្ដមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានលើកទឹកចិត្ត និងជូនពរដល់កងកម្លាំងទាំអស់ មានរបួស និងកម្លាំងដែលត្រូវផ្សែងពុល ឆាប់ជា ឱ្យមានសុខភាពល្អមាំទាំឡើងវិញ ក្នុងខណៈនេះ ថ្នាក់ដឹកនាំនៅតែបន្តគិតគូរ និងយកចិត្តទុក្ខដាក់ខ្ពស់ដល់គ្រប់កងកម្លាំងទាំងអស់។
ជាមួយគ្នានោះ លោកឧត្ដមសេនីយ៍ទោ ស្នងការ ក៏បានជំរុញដល់ក្រុមគ្រូពេទ្យឱ្យមើលថែរហូតដល់ជាសះស្បើយ ហើយប្ដេជ្ញាមិនបោះបង់បងប្អូនគ្រប់គ្នានោះទេ និងសូមជូនពរដល់កងកម្លាំងទាំងឆាប់បានជាសះស្បើយពីរបួសផងដែរ ៕
