កំពង់ស្ពឺ៖ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ នាព្រឹកថ្ងៃទី១៣ ខែធ្នូ ឆ្នាំ២០២៥ បានអញ្ជើញអមដំណើរ ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ រួមនិងប្រតិភូអម ចូលរួមក្នុងកម្មវិធីបុណ្យគម្រប់ខួប៧ថ្ងៃ ឧទ្ទិសកុសលជូនចំពោះដួងវិញ្ញាណក្ខន្ធវីរៈកងទ័ព ឧត្ដមសេនីយ៍ត្រី យួន សុីង ដែលបានពលីជីវិតយ៉ាងអង់អាចក្លាហាន ក្នុងបុព្វហេតុការពារបូរភាពទឹកដីកម្ពុជា នៅសមភូមិមុខតាមបន្ទាត់ព្រំដែនកម្ពុជា-ថៃ កាលពីវេលោម៉ោង៩៖០០នាទព្រឹកថ្ងៃទី៨ខែវិច្ឆិកា ឆ្នាំ២០២៥ ដោយបច្ចុប្បន្នប្រារឰធ្វើនៅគេហដ្ឋានភូមិថ្នល់ ឃុំកក់ ស្រុកបសេដ្ឋ ខេត្តកំពង់ស្ពឺ។
វីរៈកងទ័ព ឧត្ដមសេនីយ៍ត្រី យួន សុីង បានបាត់បង់ជីវិតក្នុងពេលបំបេញបេសកម្មដ៏ឧត្តុង្គឧត្តម ដើម្បីការពារដែនអធិបតេយ្យភាព និងបូរណភាពទឹកដីពីសត្រូវឈ្លានពានថៃ នេះគឺជាការលះបង់ដ៏ធំធេងរបស់គាត់ ដែលបានបូជាជីវិតដើម្បីជាតិមាតុភូមិ និងដើម្បីបុព្វហេតុថែរក្សាសុខសន្តិភាពជូនប្រជាជនកម្ពុជា។
ក្នុងពេលវេលាដ៏ក្រៀមក្រំនេះ លោកឧត្តមសេនីយ៍ត្រី ម៉េង ស្រ៊ុន ក៏បានចូលរួមរំលែកទុក្ខ ព្រមទាំងសម្តែងនូវសេចក្តីសង្វេកយ៉ាងជ្រាលជ្រៅ និងសូមឧទ្ទិសបួងសួងដល់ដួងវិញ្ញាណ វីរៈកងទ័ព ឧត្ដមសេនីយ៍ត្រី យួន សុីង សូមបានទៅកាន់ឋានបរមសុខក្នុងសុគតិភព កុំបីឃ្លាងឃ្លាតឡើយ ៕
