ឧបនាយករដ្ឋមន្ត្រី ប្រាក់ សុខុន អញ្ជើញទស្សនាសារមន្ទីរសិល្បៈឡាវ នៅទីក្រុងវៀងចន្ទន៍

វៀងចន្ទន៍៖ នាព្រឹកថ្ងៃទី២៨ ខែវិច្ឆិកា ឆ្នាំ២០២៥ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញទស្សនាសារមន្ទីរសិល្បៈឡាវ ក្នុងឱកាសបំពេញទស្សនកិច្ចផ្លូវការ និងអញ្ជើញចូលរួមកិច្ចប្រជុំលើកទី១៥ របស់គណៈកម្មការចម្រុះសម្រាប់កិច្ចសហប្រតិបត្តិការទ្វេភាគី (JCBC) កម្ពុជា-ឡាវ នៅទីក្រុងវៀងចន្ទន៍ ប្រទេសឡាវ។

ការអញ្ជើញទស្សនាសារមន្ទីរសិល្បៈឡាវនេះ បានគូសបញ្ជាក់អំពីចំណងមិត្តភាព កិច្ចសហប្រតិបត្តិការដ៏យូរអង្វែងកម្ពុជា-ឡាវ និងបង្ហាញពីបេតិកភណ្ឌវប្បធម៌ដ៏សម្បូរបែបរបស់ប្រជាជនឡាវផងដែរ ៕