ភ្នំពេញ៖ នាព្រឹកថ្ងៃទី២៨ ខែវិច្ឆិកា ឆ្នាំ២០២៥នេះ ឯកឧត្តម ប៊ុន ហុន រដ្ឋលេខាធិការ ក្រសួងមហាផ្ទៃ និងជាប្រធានមន្រ្តីជាន់ខ្ពស់នៃព្រះរាជាណាចក្រកម្ពុជា និងឯកឧត្តម ដាំង យ័ងយ៉ាង អនុរដ្ឋមន្រ្តីក្រសួងការបរទេស និងជាប្រធានមន្រ្តីជាន់ខ្ពស់សាធារណរដ្ឋសង្គមនិយមវៀតណាម អញ្ជើញជាសហប្រធានដឹកនាំប្រជុំពិនិត្យ និងពិភាក្សាលើកិច្ចការសំខាន់ៗដែលក្រុមលេខាធិការដាក់ជូន សម្រាប់បសម្រើឱ្យកិច្ចប្រជុំលើកទី១៣ ស្ដីពីកិច្ចសហប្រតិបត្តិការនិងការអភិវឌ្ឍបណ្ដាខេត្តជាប់ព្រំដែនកម្ពុជា-វៀតណាម នៅសណ្ឋាគាររ៉េស៊ីដង សុខា ភ្នំពេញ។
ព្រមទាំងមានការអញ្ជើញចូលរួមពីតំណាងក្រសួង ស្ថាប័ន អភិបាលខេត្តជាប់ព្រំដែនកម្ពុជា-វៀតណាម លោក លោកស្រីនៃប្រទេសទាំងពីរជាច្រើនរូប។
សូមជម្រាបជូនថា កិច្ចប្រជុំលើកទី១៣ ស្ដីពីកិច្ចសហប្រតិបត្តិការនិងការអភិវឌ្ឍបណ្ដាខេត្តជាប់ព្រំដែនកម្ពុជា-វៀតណាម ប្រព្រឹត្តទៅរយៈពេល២ថ្ងៃ ចាប់ពីថ្ងៃទី២៧-២៨ ខែវិច្ឆិកា ឆ្នាំ២០២៥ នៅរាជធានីភ្នំពេញ ៕
