ឯកឧត្តមរដ្ឋមន្រ្តី សុខ សូកេន អញ្ជើញទទួលគារវកិច្ចស្វាគមន៍ចំពោះដំណើរអញ្ជើញមកដល់របស់នាយករដ្ឋមន្ត្រីនៃកុំមិនវែលដូមីនីក ដើម្បីបំពេញទស្សនកិច្ចការងារនៅកម្ពុជា រយៈពេល ៣ថ្ងៃ

ភ្នំពេញ៖ នាថ្ងៃទី៨ ខែតុលា ឆ្នាំ២០២៥ ដោយទទួលបានការចាត់តាំងដ៏ខ្ពង់ខ្ពស់ពីសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ឯកឧត្តម សុខ សូកេន រដ្ឋមន្រ្តីក្រសួងអធិការកិច្ច បានអញ្ជើញទទួលគារវកិច្ចស្វាគមន៍យ៉ាងកក់ក្ដៅចំពោះដំណើរអញ្ជើញមកដល់របស់ ឯកឧត្តមបណ្ឌិត Roosevelt Skerrit នាយករដ្ឋមន្ត្រីនៃកុំមិនវែលដូមីនីក និងគណៈប្រតិភូជាន់ខ្ពស់ នៅអាកាសយានដ្ឋានអន្តរជាតិតេជោ ដើម្បីបំពេញទស្សនកិច្ចការងារនៅព្រះរាជាណាចក្រកម្ពុជា រយៈពេល ៣ថ្ងៃ ពីថ្ងៃទី៨ ដល់ថ្ងៃទី១០ ខែតុលា ឆ្នាំ២០២៥ ៕