ភ្នំពេញ៖ លោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជការ កងរាជអាវុធហត្ថលើផ្ទៃប្រទេស បានចលនាថវិកាមូលនិធិសាងសង់ផ្ទះជូនអតីតយុទ្ធជន និវត្តន៍ជនដែលគ្មានផ្ទះសម្បែងនៅតាមមណ្ឌលអតីតយុទ្ធជន តបតាមការអំពាវនាវរបស់សម្ដេចតេជោ ហ៊ុន សែន ប្រមុខរដ្ឋស្ដីទី និងជាប្រធានសមាគមអតីតយុទ្ធជន និវត្តន៍ជន ដោយមានសប្បុរសជនបានចូលរួមបរិច្ចាគថវិកាសរុបចំនួន ២៤៥,០០០ដុល្លារ ស្មើនឹង ៤៩ខ្នងផ្ទះ។
ជាក់ស្តែងនាព្រឹកថ្ងៃពុធ ទី០៨ ខែតុលា ឆ្នាំ២០២៥ លោកឧត្តមសេនីយ៍ត្រី ហ៊ង បូរ៉ា នាយការិយាល័យហិរញ្ញវត្ថុ កងរាជអាវុធហត្ថលើផ្ទៃប្រទេស និងសហការីបាននាំយកថវិកាមូលនិធិនេះ ប្រគល់ជូនសមាគមអតីតយុទ្ធជន និវត្តន៍ជនកម្ពុជា ៕
