ភ្នំពេញ៖ នាព្រឹកថ្ងៃទី១៨ ខែកញ្ញា ឆ្នាំ២០២៥ ឯកឧត្តម មាន ចាន់យ៉ាដា អភិបាល នៃគណៈអភិបាលខេត្តឧត្តរមានជ័យ បានដឹកនាំក្រុមការងារ អញ្ជើញផ្សព្វផ្សាយការផ្តល់ឯកសារបញ្ជាក់អត្តសញ្ញាណជូនបងប្អូនប្រជាពលរដ្ឋខ្មែរ ការផ្សព្វផ្សាយអំពីការផ្តល់ឱកាសការងារ និងការជំរុញការចិញ្ចឹម ការដាំដុះដល់បងប្អូនប្រជាពលរដ្ឋខ្មែរដែលវិលត្រលប់មកពីប្រទេសថៃ។ ពិធីនេះប្រព្រឹត្តនៅបរិវេណសាលាស្រុកបន្ទាយអំពិលខេត្តឧត្ដរមានជ័យ។
ក្នុងឱកាសនេះ ឯកឧត្តម មាន ចាន់យ៉ាដា បានមានប្រសាសន៍ថា ឯកឧត្តមពិតជាមានមោទនភាពចំពោះបងប្អូនប្រជាពលរដ្ឋក្នុងខេត្តឧត្ដរមានជ័យ ពិសេសបងប្អូនដែលវិលត្រឡប់មកពីប្រទេសថៃវិញ គឺពួកគាត់ចេះរស់នៅបង្កើតរបរចិញ្ចឹមជីវិតគ្រួសារដោយមិនផ្ដេកផ្ដួលតាមស្ថានភាពព្រំដែនឡើយ ៕
