ភ្នំពេញ៖ នៅទីស្តីការក្រសួងទេសចរណ៍ នាថ្ងៃទី១៩ ខែសីហា ឆ្នាំ២០២៥ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ អញ្ជើញដឹកនាំកិច្ចប្រជុំពិនិត្យពិភាក្សាលើការតាមដានអំពីបច្ចុប្បន្នភាពនៃតម្រូវការកម្លាំងពលកម្មក្នុងឧស្សាហកម្មទេសចរណ៍, ការផ្គត់ផ្គង់កម្លាំងពលកម្ម និង សហការជាមួយក្រសួង ស្ថាប័នមានសមត្ថកិច្ចពាក់ព័ន្ធក្នុងការផ្គូផ្គងរវាងតម្រូវការ និង ការផ្គត់ផ្គង់នៃកម្លាំងពលកម្មក្នុងឧស្សាហកម្មទេសចរណ៍ទាំងក្នុង និង ក្រៅប្រព័ន្ធ ដើម្បីឆ្លើយតបនឹងការធ្វើដំណើរត្រឡប់មកវិញរបស់បងប្អូនពលករខ្មែរពីប្រទេសថៃ។
សូមបញ្ជាក់ជូនថា នេះជាកិច្ចប្រជុំតាមដានវឌ្ឍនភាពការងារដែលបានដាក់ចេញកាលពីកិច្ចប្រជុំនៅថ្ងៃទី១៨ ខែមិថុនា ឆ្នាំ២០២៥។
កិច្ចប្រជុំខាងលើមានការអញ្ជើញចូលរួមពីឯកឧត្តម លោកជំទាវរដ្ឋលេខាធិការ អនុរដ្ឋលេខាធិការ អគ្គនាយក នាយិកាវិទ្យាស្ថាន និងលោក លោកស្រី អគ្គនាយករង ប្រធាននាយកដ្ឋានចំណុះក្រសួងទេសចរណ៍ សរុបចំនួនប្រមាណ ១៤រូប ៕
