ភ្នំពេញ៖ នារសៀលថ្ងៃទី៧ ខែសីហា ឆ្នាំ២០២៥នេះ ឯកឧត្តម សួស ប្រាថ្នា អគ្គនាយកនៃអគ្គនាយកដ្ឋានរដ្ឋបាល ក្រសួងមហាផ្ទៃ បានអញ្ជើញជួបប្រជុំពិភាក្សាលើការងាររៀបចំព្រំប្រទល់រដ្ឋបាលថ្នាក់ក្រោមជាតិជាមួយតំណាងក្រសួងរៀបចំដែនដី នគរូបនីយកម្ម និងសំណង់ ដែលដឹកនាំដោយ លោក សឹន សុធានី អគ្គនាយករងនៃអគ្គនាយកដ្ឋានសុយោរិដីនិងភូមិសាស្រ្ត នៅទីស្ដីការក្រសួងមហាផ្ទៃ។
កិច្ចប្រជុំនេះ មានការចូលរួមពីឯកឧត្តម លោក អគ្គនាយករង ប្រធាននាយកដ្ឋានជំនាញនៃអគ្គនាយកដ្ឋានរដ្ឋបាល ក្រសួងមហាផ្ទៃ និងមន្ត្រីជំនាញនៃក្រសួងទាំងពីរចំនួន ១៧នាក់។
កិច្ចប្រជុំត្រូវបានរៀបចំឡើងក្នុងគោលបំណងសំខាន់ចំនួន២មានជាអាទិ៍៖ ១.ឆ្លងសេចក្ដីព្រាងផែនទីព្រំប្រទល់រដ្ឋបាល ដើម្បីផលិតផែនទីព្រំប្រទល់រដ្ឋបាលឃុំ សង្កាត់នៅទូទាំងប្រទេស និង២.ស្វែងរកវិធីសាស្ត្រដោះស្រាយបញ្ហាព្រំប្រទល់រដ្ឋបាលដែលត្រួតស៊ីគ្នា ៕
