ភ្នំពេញ៖ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នាព្រឹកថ្ងៃទី៧ ខែសីហា ឆ្នាំ២០២៥ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានទទួលជួបពិភាក្សាការងារជាមួយ ប្រតិភូសាលាមធ្យមជាន់ខ្ពស់សន្តិសុខប្រជាជន១ នៃក្រសួងនគរបាលវៀតណាម ដឹកនាំដោយលោកស្រីឧត្តមសេនីយ៍ត្រី ឌិញ ង៉ុកហ័រ នាយកសាលា ស្តីពីការផ្លាស់ប្តូរបទពិសោធន៍ការងារអនុវត្តប្រចាំថ្ងៃ និងការងារប្រើប្រាស់ចំណេះដឹងជាក់ស្តែងលើការងារស៊ើបការខាងក្រៅ និងត្រួតពិនិត្យវាយតម្លៃចំពោះ សិក្ខាកាមដែលបានចូលរួមវគ្គបណ្តុះបណ្តាលកន្លងមក ៕
