ភ្នំពេញ៖ នៅព្រឹកថ្ងៃសុក្រ ទី២២ ខែសីហា ឆ្នាំ២០២៥ ឯកឧត្តម ឧត្តមអគ្គានុរក្ស.១ នុត សវនា អគ្គនាយករង និងជាប្រធានមណ្ឌលអប់រំកែប្រែទី១ បានអញ្ជើញសំណេះសំណាល ជាមួយមន្ត្រីដែលត្រូវបានចាត់បញ្ជូនទៅរៀនវគ្គបឋម ជំនាន់ទី២០ វគ្គទី២ (រយៈពេល ៤ខែ) នៅសាលាបណ្ឌិត្យសភានគរបាលកម្ពុជា។
ឆ្លៀតក្នុងឱកាសនោះដែរ ឯកឧត្តមប្រធាន បានមានប្រសាសន៍ថា៖ អង្គភាពមានកាតព្វកិច្ចក្នុងការចាត់បញ្ជូនមន្ត្រីទៅចូលរួមវគ្គបណ្តុះបណ្តាលដើម្បីអភិវឌ្ឍគុណភាព និងចម្រាញ់ឱ្យកាន់តែមានសក្តានុពល។ បន្ថែមពីនោះ ឯកឧត្តមប្រធាន ក៏បានណែនាំឱ្យសិក្ខាកាមទាំងអស់ត្រូវយកចិត្តទុកដាក់ទៅលើកម្មវិធីសិក្សា, គោរពវិន័យ និងបទបញ្ជាផ្ទៃក្នងរបស់សាលា។
ម្យ៉ាងវិញទៀត ឯកឧត្តមប្រធាន ក៏បានណែនាំឱ្យថែទាំសុខភាពឱ្យបានល្អ និងមានការប្រុងប្រយ័ត្នខ្ពស់ ចំពោះការធ្វើដំណើរតាមដងផ្លូវផងដែរ។
ជាទីបញ្ចប់ ឯកឧត្តមប្រធាន បានឧបត្ថម្ភថវិការ ក្នុង១នាក់ ៦០ម៉ឺនរៀល និងសំលៀកបំពាក់១នាក់ ១កំប្លេរ និងសូមជូនពរឱ្យសិក្ខាកាមទាំងអស់ ជោគជ័យក្នុងការសិក្សា, សុខភាពល្អ និងសំណាងល្អ ៕
