ឯកឧត្តមបណ្ឌិត តុប នេត ជួបពិភាក្សាការងារជាមួយក្រមហ៊ុនឯកជន លេីការបោះពុម្ពឯកសារអត្តសញ្ញាណកម្មមួយចំនួនដែលមានលក្ខណៈបច្ចេកទេសពិសេស និងសុវត្ថិភាពខ្ពស់

ភ្នំពេញ៖ នាព្រឹកថ្ងៃសុក្រ ទី២២ ខែសីហា ឆ្នាំ២០២៥នេះ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម និងលោក Wu Yayong អគ្គនាយក ក្រុមហ៊ុន C&C Security Printing Co., (Shenzhen) Ltd បានជួបពិភាក្សាការងារដេីម្បីសហការលេីការបោះពុម្ព​ឯកសារអត្តសញ្ញាណកម្ម​មួយចំនួនដែល​មានលក្ខណៈបច្ចេកទេសពិសេស និងសុវត្ថិភាពខ្ពស់។ 

កិច្ចប្រជុំនេះ ក៏មានការអញ្ជើញចូលរួម ឯកឧត្តម អគ្គនាយករង លោកប្រធាននាយកដ្ឋាន លោក លោកស្រីអនុប្រធាននាយកដ្ឋាន ចំណុះអគ្គនាយកដ្ឋានអត្តសញ្ញាណកម្ម និងលោក លោកស្រី តំណាងក្រុមហ៊ុន C&C Security Printing Co., (Shenzhen) Ltd ផងដែរ ៕