ភ្នំពេញ៖ នាថ្ងៃទី៨ ខែសីហា ឆ្នាំ២០២៥ នៅទីស្ដីការក្រសួងមហាផ្ទៃ ឯកឧត្តម ឧត្តមអគ្គានុរក្សថ្នាក់លេខ១ សន កែវ អគ្គនាយករង តំណាងដ៏ខ្ពង់ខ្ពស់ ឯកឧត្តម អគ្គនាយក នៃអគ្គនាយកដ្ឋានពន្ធនាគារ បានអញ្ជើញចូលរួមកិច្ចប្រជុំស្ដាប់ការធ្វើបទបង្ហាញរបស់អគ្គនាយកដ្ឋានធនធានមនុស្ស នៃក្រុមការងារស្រាវជ្រាវ ប្រមូល និងរៀបចំចងក្រងប្រវត្តិក្រសួងមហាផ្ទៃ ដឹកនាំដោយ ឯកឧត្តម ប៉ូលី ដា និងឯកឧត្ដម អៀង អូននី អនុរដ្ឋលេខាធិការ ក្រសួងមហាផ្ទៃ។
កិច្ចប្រជុំនេះមានការអញ្ជើញចូលរួមពី ឯកឧត្តម តំណាងអគ្គលេខាធិការដ្ឋាន អគ្គនាយកដ្ឋានភស្តុភារ និងហិរញ្ញវត្ថុ បណ្ឌិត្យសភានគរបាលកម្ពុជា ក្រុមប្រឹក្សានីតិកម្ម អគ្គនាយកដ្ឋានអន្តោប្រវេសន៍ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ អគ្គនាយកដ្ឋានអត្តសញ្ញាណកម្ម និងតំណាងអង្គភាពនានា ចំណុះ ក្រសួងមហាផ្ទៃ ជាច្រើនរូបទៀតផងដែរ ៕
