កម្លាំងជំនាញកងរាជអាវុធហត្ថខេត្តកំពង់ស្ពឺ ចូលរួមប្រជុំការអនុវត្តតួនាទី ភារកិច្ចផែននគរបាលយុត្តិធម៌ ប្រចាំឆមាសទី២លើកទិសដៅត្រីមាសទី៣ ឆ្នាំ២០២៥ តាមប្រព័ន្ធ Video Conference

កំពង់ស្ពឺ ,ដោយបានការអនុញ្ញាតពី លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ នាព្រឹកថ្ងៃពុធ ៧កើត ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២ ខែកក្កដា ឆ្នាំ២០២៥នេះ ស្ថិតនៅសាលប្រជុំបញ្ជាការដ្ឋានកងរាជអាវុធហត្ថខេត្តកំពង់ស្ពឺ លោកវរសេនីយ៍ឯក ចាន់ ដា មេបញ្ជាការរង បានអញ្ជើញដឹកនាំកម្លាំងជំនាញចូលរួមប្រជុំការអនុវត្តតួនាទី ភារកិច្ចផែននគរបាលយុត្តិធម៌ ប្រចាំឆមាសទី២លើកទិសដៅត្រីមាសទី៣ ឆ្នាំ២០២៥ តាមប្រព័ន្ធ Video Conference  ក្រោមអធិបតីភាព លោកឧត្តមសេនីយ៍ឯក ហុង វិណុល មេបញ្ជាការរង កងរាជអាវុធហត្ថលើផ្ទៃប្រទេស ប្រធានផែននគរបាលយុត្តិធម៌។

ដោយមានការអញ្ជើញចូលរួមពីរសំណាក់ លោកមេបញ្ជាការរង(ទទួលជំនាញនគរបាលយុត្តិធម៌ និងទទួលជំនាញសន្តិសុខ),លោកប្រធានអនុប្រធាន(មន្ទីរស្រាវជ្រាវនិងបង្ក្រាបបទល្មើសនិងមន្ទីរស្រាវជ្រាវព័ត៌មានសន្តិសុខ),លោកនាយការិយាល័យ(ចំនុះមន្ទីរស្រាវជ្រាវនិងបង្រ្កាបបទល្មើសនិងចំនុះមន្ទីរស្រាវជ្រាវព័ត៌មានសន្តិសុខ),លោកប្រធានអង្គភាពនគរបាលយុត្តិធម៌,លោកប្រធានអង្គភាពសន្តិសុខ និងលោកមេបញ្ជាការ មេបញ្ជាការរងមូលដ្ឋានក្រុង-ស្រុក ទទួលជំនាញស្រាវជ្រាវ ព័ត៌មានសន្តិសុខនិងស្រាវជ្រាវនិងបង្ក្រាបបទល្មើសផងដែរ៕