ភ្នំពេញ៖ រដ្ឋបាលខេត្តបាត់ដំបង សូមគោរពថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ដែលបានឧបត្ថម្ភថវិកាចំនួន ៤០លានរៀល ជូនដល់រដ្ឋបាលខេត្ត សម្រាប់ចូលរួមទ្រទ្រង់ដល់បងប្អូនប្រជាពលករដែលត្រឡប់មកពីប្រទេសថៃ និងជួយគាំទ្រដល់កងកម្លាំងជួរមុខ ជាការចូលរួមចំណែកជួយជាតិតាមរយៈសមរភូមិក្រោយ និងជាការលើកទឹកចិត្តដល់វីរៈកងទ័ព ជួរមុខរបស់ប្រទេសកម្ពុជាយើង។
សូមបួងសួងដល់វត្ថុស័ក្តិសិទ្ធិក្នុងលោក តាមបីបាច់ថែរក្សា និងប្រសិទ្ធិពរជ័យ សិរីមង្គល បវរមហាប្រសើរ គោរពជូនពរ ឯកឧត្តម និងលោកជំទាវ ព្រមទាំងបុត្រា បុត្រី ជួបប្រទះតែសេចក្តីសុខ សុភមង្គល ជ័យជំនះគ្រប់ភារកិច្ច និងប្រកបដោយពុទ្ធពរទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
