កំពង់ស្ពឺ៖ នៅថ្ងៃទី៦ ខែមេសា ឆ្នាំ២០២៦ ដោយទទួលបានការអនុញ្ញាតពី លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ នាយទាហាន នាយទាហានរង នៃបញ្ជាការដ្ឋាន កងរាជអាវុធហត្ថខេត្តកំពង់ស្ពឺ អញ្ជើញចូលជួបសំណេះសំណាល សួរសុខទុក្ខ និងជូនពរជ័យសិរីសួស្ដីមង្គលដល់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ និងភរិយា បុត្រា បុត្រី ក្រុមគ្រួសារ ក្នុងឱកាសអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ-មហាសង្ក្រាន្ត (ឆ្នាំមមី អដ្ឋស័ក ពុទ្ធសករាជ ២៥៦៩) ដែលនឹងខិតជិតមកដល់នាពេលឆាប់ៗខាងមុខនេះ។ ដោយមានការចូលពីក្រុមការងារអាវុធក្នុងមន្ទីរភស្ថុភា, មន្ទីរស្រាវជ្រាវ ព័ត៌មាន និងសន្តិសុខ, មន្ទីរទំនាក់ទំនងកិច្ចការសាធារណៈ, ស្នាក់ការ ៤០៣ និងក្រុមការងារកងរាជអាវុធហត្ថនារីចូលរួមផងដែរ។
ពិធីនេះជាឱកាសជួបជុំញាតិមិត្ត លេងល្បែងប្រជាប្រិយ និងផ្លាស់ប្តូរទម្លាប់ចាស់សៅហ្មង មកជាភាពសប្បាយរីករាយ និងសុភមង្គល។បុណ្យចូលឆ្នាំថ្មីប្រពៃណីជាតិខ្មែរគឺជាពិធីបុណ្យដ៏ធំបំផុតដែលអបអរការចាប់ផ្តើមឆ្នាំថ្មី និងរដូវកាលទំនេរពីការងារកសិកម្ម។ អត្ថន័យសំខាន់គឺការលាឈប់ពីឆ្នាំចាស់ ទទួលសិរីសួស្តីឆ្នាំថ្មី ជួបជុំគ្រួសារ គោរពដឹងគុណបុព្វការីជន លាងសម្អាតឧបទ្រពចង្រៃ និងពង្រឹងសាមគ្គីភាពជាតិ។
ស្ថិតក្នុងពលនោះដែរ នាយទាហាន នាយទាហានរង ដែលបានចូលរួមទាំងអស់ បានសម្តែងការគួរសមសំណោះសំណាល សួរសុខទុក្ខ ប្រកបស្នាមញញឹមនិងបានជូននូវផ្លែឈើជាកន្ត្រកៗ ព្រមទាំងបានប្រសិទ្ធពរជ័យជូនដល់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ និងភរិយា បុត្រា បុត្រី ក្រុមគ្រួសារ សូមអោយទទួលបាននូវពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
នាពេលនោះ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ ក៏បានសំណេះសំណាល ទទួលនូវការដូជាផ្លែឈើដែលបានរៀបចំជាកន្រ្តក់ៗ ព្រមទាំងបានថតរូបជាអនុស្សាវរីយ៍ ជាពិសេសក៏បានប្រសិទ្ធិពរជ័យសេរីមង្គលដល់ នាយទាហាន នាយទាហានរង រួមនឹងក្រុមគ្រួសារទាំងអស់ សូមបានសមប្រកបដោយសុខភាពល្អបរិបូរណ៍ អាយុយឺនយូរ សុភមង្គលក្នុងគ្រួសារ និងទទួលបានជោគជ័យគ្រប់ភារកិច្ច សូមឱ្យឆ្នាំថ្មីនេះនាំមកនូវសំណាងល្អ និងភាពរីកចម្រើនជានិរន្តរ៍ ៕
