ខេត្តកំពង់ស្ពឺ៖ ដោយមានការយកចិត្តទុកដាក់និងចង្អុលបង្ហាញពីលោកឧត្តមសេនីយ៍ទោ ឃឹម សុកខៃ ស្នងការដ្ឋាននគរបាលខេត្តកំពង់ស្ពឺ ក្រោមការដឹកនាំបញ្ជាដោយផ្ទាល់របស់លោកវរសេនីយ៍ឯក ឃុត សុផល អធិការនគរបាលស្រុកសំរោងទង បានណែនាំអោយតាមបណ្ដាប៉ុស្តិ៍នគរបាលរដ្ឋបាល យកចិត្តទុកដាក់សហការជាមួយអាជ្ញាធរពាក់ព័ន្ធ ដើម្បីចុះផ្សព្វផ្សាយអប់រំបញ្ហាឬច្បាប់ផ្សេង នៅតាមទីប្រមូលផ្ដុំ ប្រជុំជន សាលារៀន គ្រឹះស្ថានអប់រំ ដែលស្ថិតក្នុងភូមិសាស្រ្តឃុំ ដែលខ្លួនគ្រប់គ្រង ដើម្បីអោយសិស្សានុសិស្ស លោគ្រូ-អ្នកគ្រូ បានទទួលការយល់ដឹងលើបញ្ហាឬច្បាប់ផ្សេងៗ ចូលរួមសហការ ដើម្បីធានាបានសុខ សុវត្ថិភាព សណ្ដាប់ធ្នាប់ល្អ នៅតាមបណ្ដាឃុំ-សង្កាត់។
ជាក់ស្តែងនៅថ្ងៃទី២០ ខែកុម្ភះ ឆ្នាំ២០២៦នេះ វេលាម៉ោង៧:១៥នាទីព្រឹក លោកវរសេនីយ៍ត្រី យ័ន សារី នាយប៉ុស្តិ៍នគរបាលរដ្ឋបាលកាហែង បានអញ្ជើញចុះផ្សព្វផ្សាយលើប្រធានបទ រួមគ្នាបង្កាទប់ស្កាត់ការប្រើប្រាស់គ្រឿងញៀននៅកម្ពុជា និងផ្សព្វផ្សាយយុទ្ធភ័ណ្ឌមិនទាន់ផ្ទុះ នៅសាលាបឋមសិក្សារលាំងឈូក ស្ថិតក្នុងឃុំកាហែង ស្រុកសំរោងទង ខេត្តកំពង់ស្ពឺ (គ្រាប់ពូជដែលត្រូវតែមើលថែរ អប់រំ ការពារ បង្ហាត់បង្រៀនបណ្ដុះបណ្ដាល ជំរុញណែនាំដឹកមុខដើម្បីបានក្លាយជាគ្រាប់ពូជល្អ ដែលត្រូវដុះក្នុងសង្គមនាពេលអនាគត) ដោយមានការចូលរួមសហការយ៉ាងរីករាយពីលោកគ្រូ អ្នកគ្រូ សិស្សានុសិស្សផងដែរ ៕
