សៀមរាប៖ នាថ្ងៃទី១៧ ខែធ្នូ ឆ្នាំ២០២៥ មូលដ្ឋានកងរាជអាវុធហត្ថស្រុកអង្គរជុំ សូមសម្តែងនូវការថ្លែងអំណរគុណចំពោះសប្បុរសជនទាំងអស់ ដែលមានចិត្តសប្បុរសជួយឧបត្ថម្ភ ដូចស្បៀងអាហារ សម្ភារៈប្រើប្រាស់ និងថវិកា ចូលរួមជាមួយមូលដ្ឋានកងរាជអាវុធហត្ថស្រុកអង្គរជុំ ជូនដល់កងទ័ពជួរមុខ និងប្រជាជនភៀសសឹកដែលជម្លៀសចេញពីតំបន់សមរភូមិមុខមកទីតាំងសុវត្ថិភាព។
ក្នុងឱកាសនោះលោកវរសេនីយត្រី ស្មៀន រិទ្ធិ មេបញ្ជាការមូលដ្ឋានកងរាជអាវុធហត្ថស្រុកអង្គរជុំ តំណាងលោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប បានសម្តែងនូវការថ្លែងអំណរគុណយ៉ាងជ្រាលជ្រៅចំពោះ សប្បុរសជនទាំងអស់ដែលមានចិត្តសប្បុរសឧបត្ថម្ភ ជូនដល់កងទ័ពជួរមុខ និងប្រជាជនភៀសសឹកដែលជម្លៀសចេញពីតំបន់សមរភូមិមុខមកទីតាំងសុវត្ថិភាព នាពេលកន្លងមក ក៏ដូចជាក្នុងពេលនេះផងដែរ។
កងរាជអាវុធហត្ថខេត្តសៀមរាប សូមជូនពរសប្បុរសជនទាំងអស់ជួបតែពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
