ស្វាយរៀង៖ នាព្រឹកថ្ងៃព្រហស្បតិ៍ ទី៤ ខែធ្នូ ឆ្នាំ២០២៥ ឯកឧត្តម សៅ សុខា សមាជិកគណៈអចិន្ត្រៃគណៈកម្មាធិការកណ្តាល គណបក្សប្រជាជានកម្ពុជា អនុប្រធានក្រុមការងារចុះជួយមូលដ្ឋានខេត្តស្វាយរៀង និងជាប្រធានក្រុមការងារចុះជួយមូលដ្ឋានស្រុកស្វាយទាប ខេត្តស្វាយរៀង បានអញ្ជើញចុះសំណេះសំណាលជាមួយលោកគ្រូ អ្នកគ្រូ សិស្សានុសិស្ស និងពិនិត្យវឌ្ឍនភាពការងារសាងសង់សាលាឋមសិក្សាតានូ ដែល ឯកឧត្តម សៅ សុខា បានសន្យាកាលពីថ្ងៃទី១០ ខែមីនា ឆ្នាំ២០២៥ ថានឹងគៀងគសប្បុរជន ដើម្បីកសាងអគារសិក្សាយមួយខ្នងបន្ថែមទៀតដែលមាន ៦បន្ទប់ ដើម្បីងាយស្រួលដល់ លោកគ្រូអ្នកគ្រូ និងសិស្សានុសិស្សបានសិក្សារៀនសូត្រពេញម៉ោងព្រោះចំនួនសិស្សកើនឡើងជាលំដាប់។
បច្ចុប្បន្នការសាងសង់ បានប្រមាណ ៤០%ហើយ និងត្រូវសាងសង់រួចរាល់ជាស្ថាពរនៅខែមេសា ឆ្នាំ២០២៦ខាងមុខនេះ។ អគារសិក្សានេះចំណាយថវិកាក្នុងការសាងសង់សរុបចំនួន ៦៨,០០០ដុល្លារ និងមានទីតាំងស្ថិតនៅភូមិថ្មី ឃុំសំបួរ ស្រុកស្វាយទាប ខេត្តស្វាយរៀង ៕
