កំពង់ស្ពឺ៖ ដោយអនុវត្តតាមបទបញ្ជារបស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ នាព្រឹកថ្ងៃទី២២ ខែធ្នូ ឆ្នាំ២០២៥នេះ លោកវរសេនីយ៍ឯក នាង ក្វាយ មេបញ្ជាការរង បានអញ្ជើញដឹកនាំនាយទាហាន នាយទាហានរង ចូលរួមគោរពទង់ជាតិ នៃព្រះរាជាណាចក្រកម្ពុជានិងនាំយកនូវបទបញ្ជារបស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ ដោយបានបូកសរុបលទ្ធផលការងារប្រចាំសប្តាហ៍ និងបានកោតសរសើរលើការងារអនុវត្តពេលកន្លងមកជាចំនុចខ្លាំង ដែលយើងសម្រេចបាន ព្រមទាំងពង្រឹងបន្ថែមមានដូចជា៖កម្លាំងទាំងអស់ត្រៀមនៅនឹងកន្លែង ២៤ម៉ោង លើ២៤ម៉ោង (រងចាំបទបញ្ជាថ្នាក់លើ),អនាម័យកន្លែងរស់នៅ និងសម្អាតជាប្រចាំក្នុងបរិវេណបន្ទាយ (អង្គភាព) និងបានសង្កត់ធ្ងន់លើអ្នកយាមនៅប៉ុស្ត៍មុខ និងវេនប្រចាំបញ្ជា ប្រចាំការមណ្ឌលប្រតិបត្តិការ ត្រូវយកចិត្តទុកដាក់ឲ្យបានខ្ពស់ចំពោះ សាច់ញ្ញាតជនសង្ស័យដែលចូលជួបជាមួយជនសង្ស័យ ត្រូវពិនិត្យឲ្យបានច្បាស់ កំណត់ចំនួនអ្នកចូលឲ្យបានត្រឹមត្រូវយកឈ្មោះអ្នកចូល ថតរូប ពិនិត្យសម្ភារៈដែលយកទៅឲ្យជនសង្ស័យឲ្យបានច្បាស់លាស់មុន នឹងឲ្យចូល ហើយអ្នកយាមត្រូវឧស្សាហ៍ដើរទៅពិនិត្យមើលនៅកន្លែងឃុំឃាំងជាប្រចាំ និងកម្លាំងត្រូវផ្តោតលើវិន័យ អនុវត្តការងារតាមឋានានុក្រម ពេលអវត្តមានត្រូវមានច្បាប់ឲ្យបានត្រឹមត្រូវ ៕
