កំពង់ស្ពឺ៖ ក្រោមការចង្អុលបង្ហាញតម្រង់ទិសរបស់ ឯកឧត្តមនាយ ឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ក្រោមការដឹកនាំដ៏យកចិត្តទុកដាក់របស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ
កាលពីព្រឹកថ្ងៃទី២២ ខែធ្នូ ឆ្នាំ២០២៥កន្លងមកនេះ បានអញ្ជើញដឹកនាំក្រុមការងារកងរាជអាវុធហត្ថ និងក្រុមការងារសហភាពសហព័ន្ធយុវជនកម្ពុជាខេត្តកំពង់ស្ពឺ (ស.ស.យ.ក.កំពង់ស្ពឺ) ចុះសួរសុខទុក្ខ លោកស្រី អុល ណារី អាយុ ២៤ឆ្នាំ ភរិយារបស់ លោកអនុសេនីយ៍ទោ ទេព ច័ន្ទរិទ្ធី ជំនួយការ មូលដ្ឋានកងរាជអាវុធហត្ថក្រុងច្បារមន បាននឹងកំពុងសម្រាកលំហែមាតុភាព (ឆ្លងទន្លេ) នៅពេទ្យបង្អែកខេត្តកំពង់ស្ពឺ ក្រុងច្បារមន។
នាឱកាសសួរសុខទុក្ខនោះដែរ លោកឧត្តមសេនីយ៍ត្រី មេបញ្ជាការ និងក្រុមការងារ បានសំណេះសំណាល ចូលរួមអបអរសាទរ លោកអនុសេនីយ៍ទោ ទេព ច័ន្ទរិទ្ធី និងក្រុមគ្រួសារ ដែលទទួលបានសមាជិកថ្មី ប្រកបដោយសុខភាពល្អទាំងម្តាយនិងកូន ជាពិសេសព្រមទាំងបានយកនូវថវិការចំនួន ៤០០,០០០រៀល រួមទាំងសម្ភារៈមួយចំនួនទៀតមានដូចជា៖ អង្ករចំនួន ២បាវ, មីជាតិ ២កេស, ទឹកសុទ្ធ ២កេស និងទឹកផ្លែឈើ ២កេសថែមទៀតផង។
សម្រាប់លោកអនុសេនីយ៍ទោ ទេព ច័ន្ទរិទ្ធី និងទាំងភរិយា ព្រមទាំងក្រុមគ្រួសារ ក៏បានគោរពថ្លែងអំណរគុណយ៉ាងជ្រាលជ្រៅបំផុតចំពោះផងដែរ ចំពោះ លោកឧត្តមសេនីយ៍ត្រី ម៉េងស្រ៊ុន មេបញ្ជាការ ដែលបានចំណាយពេលវេលាដ៏មានតម្លៃ អញ្ជើញចុះមកដោយផ្ទាល់ និងបានជូនពរជ័យដល់ លោកឧត្តមសេនីយ៍ត្រី មេបញ្ជាការ និងក្រុមគ្រួសារ បុត្រា បុត្រី ព្រមទាំងក្រុមការងារកងរាជអាវុធហត្ថខេត្តកំពង់ស្ពឺទាំងអស់ នឹងក្រុមការងារយុវជនសហភាពសហព័ន្ធយុវជនខេត្តកំពង់ស្ពឺ (ស.ស.យ.ក.កំពង់ស្ពឺ) សូមអោយមានជន្មាយុយឺនយូរ ជួបប្រទះតែសេចក្តីសុខ សេចក្តីចម្រើន មានសុភមង្គលក្នុងក្រុមគ្រួសារ មានសុខភាពល្អបរិបូរណ៍ និងសូមប្រកបដោយពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
