កំពង់ស្ពឺ៖ នាព្រឹកថ្ងៃទី១៣ ខែធ្នូ ឆ្នាំ២០២៥នេះ លោក កៅ រតនា អនុប្រធានក្រុមងារចុះមូលដ្ឋានឃុំអមលាំង ជាតំណាង លោក ម៉េង ស្រ៊ុន សមាជិកគណៈអចិន្រ្តៃយ៍គណៈកម្មាធិការគណបក្សខេត្តកំពង់ស្ពឺ ប្រធានក្រុមការងារគណបក្សចុះមូលដ្ឋានឃុំអមលាំង និងជាប្រធានគណៈកម្មការគ្រប់គ្រងសមាជិក ខ២៦.២ បានអញ្ជើញចូលរួមក្នុងពិធីអបអរសាទខួបអនុស្សាវរីយ៍លើកទី៤៧ ទិវាកំណើតរណសិរ្យសាមគ្គី អភិវឌ្ឍន៍មាតុភូមិកម្ពុជា (២ ធ្នូ ១៩៧៨ - ២ ធ្នូ ២០២៥) និងដឹកនាំកិច្ចប្រជុំបូកសរុបការងារគណបក្សប្រចាំខែវិច្ឆិកា និងលើកទិសដៅបន្តខែធ្នូ ឆ្នាំ២០២៥ ស្ថិតនៅគណបក្សឃុំអមលាំង ស្រុកថ្ពង ខេត្តកំពង់ស្ពឺ។
កម្មវិធីនេះ មានអញ្ជើញចូលរួមពីសំណាក់ លោក-លោកស្រី ក្រុមការងារស្រុកចុះមូលដ្ឋានឃុំ ព្រមទាំងលោក-លោកស្រី សាខាបក្សភូមិទាំង ១៧ភូមិ សរុបមាន ៦៥នាក់ (ស្រី ១១នាក់)។ ហើយក៏មានការរៀឮបចំពីធីប្រគេននូវស្លាដកដល់ព្រះសង្ឃ ៥អង្គ ដោយក្នុង១អង្គ ប្រគេនស្លាដកចំនួន១ បច្ច័យចំនួន ៥០,០០០៛ផងដែរ និងជូនជាថវិកាដល់ចាស់ព្រឹទ្ធាចារ្យចំនួន៨នាក់ ដោយក្នុងម្នាក់ៗទទួលបានថវិកាចំនួន ១០,០០០៛ថែមទៀតផង។
ជាចុងក្រោយ លោក កៅ រតនា ជាតំណាងឲ្យ លោក ម៉េង ស្រ៊ុន ប្រធានក្រុមការងារគណបក្សឃុំអមលាំង ក៏បានជួបសំណេះសំណាល់ជាមួយ សមាជិកគណបក្សផ្សេងដែលស្ម័គ្រចិត្តចូលរួមរស់នយោបាយជាមួយគណបក្សប្រជាជនកម្ពុជា ៨នាក់ ហើយជូនសារ៉ុងម្នាក់១ និងថវិកាចំនួន ១០,០០០៛ផងដែរ ៕
