សៀមរាប៖ នាព្រឹកថ្ងៃទី៧ ខែធ្នូ ឆ្នាំ២០២៥ លោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប បានដឹកនាំកម្លាំងចូលរួម និងការពារធានាសន្តិសុខ សុវត្ថិភាព រក្សាសណ្ដាប់ធ្នាប់ ទិវារត់ប្រណាំងអន្តរជាតិពាក់កណ្ដាលម៉ារ៉ាតុងអង្គរវត្ត ខួបលើកទី៣០ ក្រោមប្រធានបទ "រត់ដើម្បីសន្តិភាព" នៅមុខប្រាសាទអង្គរវត្ត ក្រោមអធិបតីភាពឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា តំណាងដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ ដោយមានការចូលរួមពី អត្តពលិកជាតិ និងអន្តរជាតិ ប្រមាណជា ១៦.០០០នាក់ ក្នុងនោះជនបរទេស មានប្រមាណ ៣.០០០នាក់ មកពី ៨៦ប្រទេសជុំវិញពិភពលោក ដែលប្រារព្ធធ្វើនៅបរិវេណមុខប្រាសាទអង្គរវត្ត ៕
