ភ្នំពេញ៖ នាថ្ងៃទី១៣-១៤ ខែវិច្ឆិកា ឆ្នាំ២០២៥ ឯកឧត្ដម ឧត្តមសេនីយ៍ឯក បណ្ឌិត ណុប នរិន្ទ អគ្គនាយករង និងជាអនុប្រធានក្រុមការងារប្រតិបត្តិការទី៣ (បាត់ដំបង ប៉ៃលិន) យោងតាមវឌ្ឍនភាពអនុវត្តផែនការ ០០៣ ផ.ក របស់ក្រសួងមហាផ្ទៃ បានដឹកនាំក្រុមការងារចុះត្រួតពិនិត្យធ្វើបច្ចុប្បន្នភាពដកពិសោធន៍អំពីការប្រើប្រាស់ប្រព័ន្ធគ្រប់គ្រងវត្តជនបរទេសក្នុងព្រះរាជាណាចក្រកម្ពុជា FPCS និងពិនិត្យជនបរទេសនៅតាមសណ្ឋាគារ ផ្ទះសំណាក់ ក្នុងខេត្តបាត់ដំបង និងខេត្តប៉ៃលិន។
ដោយមានអញ្ជើញចូលរួមឯកឧត្តមអភិបាលរង នៃគណៈអភិបាលខេត្តប៉ៃលិន, នាយករដ្ឋបាលខេត្ត ,លោកប្រធានមន្ទីការងារខេត្ត, លោកស្នងការនគរបាលខេត្ត, លោកស្នងការរងទទួលផែនជនបរទេសមួយចំនួន។
ក្រោយពីបានប្រកាសផ្សព្វផ្សាយនិយាមប្រតិបត្តិរួចមក ឯកឧត្ដម ឧត្តមសេនីយ៍ឯក អគ្គនាយករង បានណែនាំដល់ក្រុមការងារថ្នាក់ក្រោមជាតិមុនចុះប្រតិបត្តិការណ៍តាមគោលដៅ ត្រូវបង្កើតសេចក្តីសម្រេចឬបង្គាប់ការឲ្យបានត្រឹមត្រូវ ដើម្បីរក្សាសិទ្ធដល់សមាសភាពក្រុមការងារចុះប្រតិបត្តិការណ៍តាមគោលដៅត្រូវអនុវត្តតាមគតិយុត្តិច្បាប់ឲ្យបានត្រឹមត្រូវ ជាពិសេសមន្ត្រីនគរបាលប៉ុស្តិ៍ត្រូវសិក្សារៀនសូត្រចំណេះស្តីពីការប្រើប្រាស់ប្រព័ន្ធ (FPCS) ឲ្យបានច្បាស់លាស់ ៕
