កំពង់ស្ពឺ៖ នាព្រឹកថ្ងៃសៅរ៍ ទី២៩ ខែវិច្ឆិកា ឆ្នាំ២០២៥ លោក ចាន់ ដា អនុប្រធានក្រុមការងារចុះមូលដ្ឋានឃុំអមលាំង ជាតំណាង លោក ម៉េង ស្រ៊ុន សមាជិកគណៈអចិន្ត្រៃយ៍នៃគណៈកម្មាធិការគណបក្សខេត្តកំពង់ស្ពឺ ប្រធានក្រុមការងារគណបក្សចុះជួយមូលដ្ឋានឃុំអមលាំង និងជាប្រធានគណៈកម្មការគ្រប់គ្រង ខ២៦.២ បានអញ្ជើញដឹកនាំក្រុមការងារនាំយកថវិការចូលរួមបុណ្យសពគម្រប់ខួប៧ថ្ងៃ លោក ជិន សារីម ប្រធានសាខាបក្សភូមិថ្នល់បំបែក ដែលទទួលមរណៈភាពកាលពីថ្ងៃទី២២ ខែវិច្ឆិកា ឆ្នាំ២០២៥កន្លងមកនេះ ដោយរោគាពាធ។
នាថេរវេលានោះដែរ លោក ចាន់ ដា រួមជាមួយនឹងក្រុមការងារក៏បានពាំនាំនូវការផ្តាំផ្ងើចូលរួមរំលែកទុក្ខដ៏ក្រៀមក្រំំមួយនេះពីសំណាក់ លោក ម៉េង ស្រ៊ុន សមាជិកគណៈអចិន្ត្រៃយ៍នៃគណៈកម្មាធិការគណបក្សខេត្តកំពង់ស្ពឺ ចំពោះក្រុមគ្រួសាររបស់ លោក ជិន សារីម ដែលបានបាត់បង់នូវឪពុកក្មេកដ៏ល្អ និងជីតាជាទីស្រឡាញ់នៃកូនចៅគ្រប់គ្នា ដែលត្រូវឃ្លាតឆ្ងាយគ្មានថ្ងៃត្រលប់មកវិញឡើយ និងបាននាំយកនូវថវិការចំនួន ៤០០,០០០៛ (សែសិបមុឺនរៀល) ដែលជាទឹកជ្រះថ្លារបស់ លោកប្រធាន ម៉េង ស្រ៊ុន ក្នុងការចូលរួមនោះផងដែរ។
តាងនាមប្រធានក្រុមការងារ រួមនិងសមាជិក សមាជិកា គណបក្ស សូមចូលរួមរំលែកមរណទុក្ខដ៏ក្រៀមក្រំមួយនេះជាមួយក្រុមគ្រួសារនៃសពទាំងមូល ដោយសេចក្តីសង្វេគជាទីបំផុត និងសូមឧទ្ទិសបួងសួងសុំឱ្យដួងវិញ្ញាណក្ខន្ធរបស់លោក ជិន សារីម បានសោយសុខក្នុងសុគតិភព កុំបីឃ្លៀងឃ្លាតឡើយ ៕
