ឧត្តមសេនីយ៍ត្រី សៀ ទីន រួមនិងក្រុមការងារ បានផ្តើមបង្កើតកម្មវិធីរត់កម្សាន្ត ដើម្បីសុខភាព នឹងភាពស្និទ្ធស្នាល ជាមួយកម្លាំងកងរាជអាវុធហត្ថខេត្តសៀមរាប នៅជុំវិញមាត់ស្ទឹង ក្នុងក្រុងសៀមរាប

សៀមរាប៖ នាថ្ងៃទី២៦ ខែតុលា ឆ្នាំ២០២៥ លោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប រួមនិងក្រុមការងារ បានផ្តើមបង្កើតកម្មវិធីរត់កម្សាន្ត ដើម្បីសុខភាព នឹងភាពស្និទ្ធស្នាល ជាមួយកម្លាំងកងរាជអាវុធហត្ថខេត្តសៀមរាប នៅជុំវិញមាត់ស្ទឹង ក្នុងក្រុងសៀមរាប។ 

បន្ទាប់ពីបានឃើញនូវការបំផុសចលនានេះ ក៏មានប្រជាពលរដ្ឋជាច្រើន បានចូលរួមរត់ជាមួយនឹងក្រុមការងារកងរាជអាវុធហត្ថខេត្តសៀមរាប ដែលបង្កើតបាននូវបរិយាកាសស្និទ្ធស្នាល និងទំនាក់ទំនងល្អរវាងកងកម្លាំងសមត្ថកិច្ចជាមួយនឹងប្រជាពលរដ្ឋក្នុងខេត្តផងដែរ។​ 

កម្មវិធីនេះបានបង្កើតឡើងក្នុងគោលបំណងសាកល្បងដើម្បីត្រៀមរៀបចំកម្មវិធីរត់កម្សាន្ត ផ្លូវការមួយ​ នាពេលខាងមុខរវាងបងប្អូនប្រជាពលរដ្ឋនិងកងកម្លាំងកងរាជអាវុធហត្ថខេត្តសៀមរាប ៕