កំពង់ស្ពឺ៖ នាព្រឹកថ្ងៃទី១០ ខែតុលា ឆ្នាំ២០២៥ លោក ម៉េង ស្រ៊ុន សមាជិកអចិន្រ្តៃយ៍គណៈកម្មាធិការគណបក្សខេត្ត ប្រធានគណៈកម្មការគ្រប់គ្រង ខ២៦.២ និងជាប្រធានក្រុមការងារចុះជួយមូលដ្ឋានឃុំអមលាំង បានអញ្ជើញចូលរួមជាកិត្តិយសក្នុងពិធីប្រកាសសេចក្តីសម្រេច ស្តីពីការកែសម្រួលបំពេញបន្ថែម និងតែងតាំងសមាសភាពយុវជនគណបក្សប្រជាជនស្រុកឱរ៉ាល់ ក្រោមអធិបតីភាព ឯកឧត្តមបណ្ឌិត ជាម ច័ន្ទសោភ័ណ សមាជិកគណៈកម្មាធិការកណ្តាល ប្រធានគណៈកម្មាធិការគណបក្សខេត្ត សមាជិកយុវជនថ្នាក់កណ្តាល និងជាប្រធានយុវជនគណបក្សខេត្ត និងដោយមានការអញ្ជើញចូលរួមពីសំណាក់ ឯកឧត្តម អ៊ិន ឃុន សមាជិកគណៈកម្មាធិការកណ្តាល អនុប្រធានគណៈកម្មាធិការគណបក្សខេត្ត ឯកឧត្តមសមាជិកគណៈអចិន្ត្រៃយ៍គណៈកម្មាធិការគណបក្សខេត្ត ឯកឧត្តម អស់លោក អនុប្រធានយុវជនគណបក្សខេត្ត លោកប្រធាន លោក លោកស្រីអនុប្រធាន លោក លោកស្រី សមាជិក សមាជិកាយុវជនគណបក្សស្រុក នៅស្នាក់ការគណបក្សស្រុកឱរ៉ាល់ ស្ថិតក្នុងស្រុកឱរ៉ាល់ ខេត្តកំពង់ស្ពឺ ៕
