ភ្នំពេញ៖ នាថ្ងៃទី១៤ ខែតុលា ឆ្នាំ២០២៥ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន ក្រសួងមហាផ្ទៃ និងសហការី បានអញ្ជើញជួបប្រជុំពិភាក្សាការងារជាមួយ ឯកឧត្តម ប្រុញ សុភាណា អគ្គលេខាធិការនៃអគ្គលេខាធិការដ្ឋានក្រុមប្រឹក្សាជាតិប្រាក់ឈ្នួលអប្បបរមា ក្រសួងការងារ និងបណ្តុះបណ្តាលវិជ្ជាជីវៈ និងសហការី ដើម្បីពិភាក្សាអំពីលទ្ធភាពកិច្ចសហប្រតិបត្តិការលើគម្រោងអន្តរាគមន៍បន្ទាន់ក្នុងការជួយគាំទ្រពលករចំណាកស្រុកដែលត្រឡប់មកពីប្រទេសថៃ និងការងារផ្សេងទៀតដែលភាគីទាំងពីរមានលទ្ធភាពធ្វើកិច្ចសហប្រតិបត្តិការជាមួយគ្នាបាន។
ជំនួបប្រជុំនេះ មានការអញ្ជើញចូលពីសំណាក់លោក លោកស្រី ជាអគ្គលេខាធិការរង ប្រធាន អនុប្រធាននាយកដ្ឋាន ប្រធានការិយាល័យ និងមន្ត្រីពាក់ព័ន្ធនៃអង្គភាពទាំងពីរ ចំនួន ១៤រូប (ស្ត្រី ៣រូប) នៅទីស្តីការក្រសួងការងារ និងបណ្តុះបណ្តាលវិជ្ជាជីវៈ ៕
