ភ្នំពេញ៖ នៅវិមាន៧មករា នាថ្ងៃទី១៨ ខែតុលា ឆ្នាំ២០២៥ ឯកឧត្តម ហួត ហាក់ ប្រធានគណៈកម្មាធិការគណបក្សក្រសួងទេសចរណ៍ បានដឹកនាំកិច្ចប្រជុំគណៈកម្មាធិការគណបក្សក្រសួងទេសចរណ៍ ដើម្បីបោះឆ្នោតអនុម័តជ្រើសតាំងបំពេញបន្ថែមសមាសភាពសមាជិកគណៈកម្មាធិការគណបក្សក្រសួង, សមាជិកគណៈអចិន្ត្រៃយ៍គណៈកម្មាធិការគណបក្សក្រសួង, អនុប្រធានគណៈកម្មាធិការគណបក្សក្រសួង ស្របតាមស្មារតីនៃសេចក្ដីណែនាំ លេខ ០០៣/០៦២៤/សណ.គក ចុះថ្ងៃទី២១ ខែមិថុនា ឆ្នាំ២០២៤ ស្តីពីរចនាសម្ព័ន្ធ សមាសភាព និងបរិមាណសមាជិកគណៈកម្មាធិការគណបក្សក្រសួង ស្ថាប័ន របស់គណៈកម្មាធិការកណ្ដាលគណបក្សប្រជាជនកម្ពុជា ៕
