ភ្នំពេញ៖ នៅថ្ងៃទី១៦ ខែកញ្ញា ឆ្នាំ២០២៥ នៅសាលប្រជុំស្នងការដ្ឋាននគរបាលខេត្ត ដោយអនុវត្តតាមការចង្អុលដឹកនាំដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្ដមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប បានអញ្ជើញជួបសំណេះសំណាលជាមួយនិស្សិតថ្នាក់បរិញ្ញាបត្រវិទ្យាសាស្រ្តនគរបាល ជំនាន់ទី១៣ នៃបណ្ឌិត្យសភានគរបាលកម្ពុជា សរុបចំនួន ២២រូប ស្រី ០៥រូប ដែលត្រូវចុះកម្មសិក្សាស្រាវជ្រាវ នៅស្នងការដ្ឋាននគរបាលខេត្តសៀមរាប ចាប់ពីថ្ងៃទី១៥ ខែកញ្ញា រហូតដល់ថ្ងៃទី៣១ ខែធ្នូ ឆ្នាំ២០២៥ ក្នុងគោលបំណងដកស្រង់នូវបទពិសោធទាក់ទងនឹងការអនុវត្តការងារជាក់ស្តែង ផ្សារភ្ជាប់ជាមួយនឹងទ្រឹស្តីដែលបានសិក្សានាពេលកន្លងមក ៕
