ភ្នំពេញ៖ នាថ្ងៃទី១៧ ខែកញ្ញា ឆ្នាំ២០២៥ លោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប បានដឹកនាំនាយ នាយរង និងពលអាវុធហត្ថ ជាច្រើនរូប នាំយកបច្ច័យ និងទេយ្យវត្ថុ អញ្ជើញកាន់បិណ្ឌវេនទី១០ នៅវត្តមុនីសាគរបវរសត្ថាស្រះកែវអណ្ដែត (ហៅវត្តកំពង់ភ្លុក) ស្ថិតនៅភូមិដីក្រហម ឃុំកំពង់ភ្លុក ស្រុកប្រាសាទបាគង ខេត្តសៀមរាប។
ក្នុងឱកាសវេនកាន់បិណ្ឌនេះ បាននាំយកបច្ច័យ និងទេយ្យវត្ថុរួមមាន៖ សាដក ១ឈុត, អង្ករចំនួន ១៥០គីឡូក្រាម, ទឹកសុទ្ធទឹកក្រូច ៩កេស, មីជាតិ ៥កេស, ទឹកត្រីទឹកស៊ីអ៊ីវ ១០យួរ, ទឹកដោះគោខាប់ ២៤កំប៉ុង និងទេយ្យវត្ថុមួយចំនួនទៀត ព្រមទាំងបច្ច័យប្រគេនព្រះសង្ឃនិងជូនតាជីយាយជី ថវិកាសរុបចំនួន ៦,៣៧១,០០០រៀល។
ក្នុងពិធីបុណ្យកាន់បិណ្ឌវេនទី១០ ដើម្បីចូលរួមឧទ្ទិសកុសលជូនដល់បុព្វការីជន ជីដូនជីតា ញាតិកាប្រាំពីរសន្តាន ព្រមទាំងឧទ្ទិសកុសលជូនដល់វិញ្ញាណក្ខន្ធ វរៈកងទ័ពពលី លើសមរភូមិ ក្នុងពេលបំពេញបេសកកម្ម ការរពារបូរណភាពទឹកដី និងនាយទាហាន នាយទាហានរង ពលទាហាននៃ កងរាជអាវុធហត្ថខេត្តសៀមរាប ដែលបានពលី មរណៈក្នុងរយៈកាលកន្លងមក ៕
