ភ្នំពេញ៖ នាព្រឹកថ្ងៃពុធ ១០រោច ខែភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៧ ខែកញ្ញា ឆ្នាំ២០២៥ ឯកឧត្តម ឧត្តមសេនីយ៍ឯក ឯម វិចិត្រ អគ្គាធិការ នៃអគ្គាធិការដ្ឋាន និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំស្តឺ (ក) ស្រុកបាភ្នំ ខេត្តព្រៃវែង ព្រមទាំងថ្នាក់ដឹកនាំ បានអញ្ជើញនាំយកទេយ្យវត្ថុ និងបច្ច័យ ចូលរួមក្នុងពិធីបុណ្យកាន់បិណ្ឌទី១០ នៅវត្តព្រេច។
ពិធីនេះប្រារព្ធនៅវត្តព្រេច ស្ថិតក្នុងភូមិព្រេច ឃុំស្ពឺ (ក) ស្រុកបាភ្នំ ខេត្តព្រៃវែង និងដោយមានការអញ្ជើញចូលរួមពីថ្នាក់ដឹកនាំអគ្គាធិការដ្ឋាន និងជាអនុប្រធានក្រុមការងារ និងសមាជិក សមាជិកា ក្រុមការងាររាជរដ្ឋាភិបាលចុះមូលដ្ឋានឃុំស្ពឺ (ក) ព្រមទាំងក្រុមប្រឹក្សាឃុំ លោកមេឃុំ មេភូមិ និងពុទ្ធបរិស័ទចំណុះជើងវត្ត ៕
