កំពង់ស្ពឺ៖នារសៀលថ្ងៃថ្ងៃទី១៧ ខែសីហា ឆ្នាំ២០២៥ម្សិលមិញ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញចូលរួមនិងដឹកនាំកម្លាំងការពារសន្តិសុខ សុវត្តិភាព និង សណ្តាប់ធ្នាប់ជូន ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា ដែលអញ្ជើញជាអធិបតីភាព ក្នុងពិធីបើករដូវកាលថ្មី Cambodia Primer League ២០២៥-២០២៦ នៅពហុកីឡាដ្ឋានខេត្តកំពង់ស្ពឺ។
ក្នុងកម្មវិធីនេះមានការអញ្ជើញចូលរួមពីសំណាក់ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ និងប្រតិភូអមតំណើរ ឯកឧត្តម លោកជំទាវ សមាជិកក្រុមប្រឹក្សាខេត្ត ឯកឧត្តម លោកជំទាវ អភិបាលរងខេត្ត កងកម្លាំងទាំងបី ឧកញ៉ា អ្នកឧកញ៉ា និងថ្នាក់ដឹកនាំមន្រ្តីរាជការចំណុះរដ្ឋបាលខេត្ត រួមទាំងអ្នកគាំទ្រចូលរួមយ៉ាងច្រើនកុះករផងដែរ ដោយស្ថិតនៅពហុកីឡាដ្ឋានខេត្តកំពង់ស្ពឺ ក្នុងភូមិតាម៉ុល សង្កាត់ច្បារមន ក្រុងច្បារមន ខេត្តកំពង់ស្ពឺ។
