ភ្នំពេញ៖ នាព្រឹកថ្ងៃទីពុធ ទី២០ ខែសីហា ឆ្នាំ២០២៥ លោកឧត្តមសេនីយ៍ឯក សារិន សារីណូ ប្រធាននាយកដ្ឋានច្រកទ្វារទី២ លោកឧត្តមសេនីយ៍ទោ លី សុខគួង ប្រធាននាយកដ្ឋានជនបរទេសមិនមែនអន្តោប្រវេសន្ត និង លោកឧត្តមសេនីយ៍ទោ សួន ភក្តី តំណាងប្រធាននាយកដ្ឋានច្រកទ្វារទី១ និងមន្ត្រីជំនាញ បានទទួលជួបសម្តែងការគួរសម និងពិភាក្សាការងារជាមួយតំណាងក្រុមហ៊ុនរ៉ូយ៉ាល់គ្រុបភ្នំពេញអេសអ៊ីហ្សិត ម.ក និងក្រុមហ៊ុនបុត្រសម្ព័ន្ធ ស្តីពីនីតិវិធីអន្តោប្រវេសន៍ សម្រាប់ជនបរទេសដែលមកបម្រើការងារនៅក្នុងព្រះរាជាណាចក្រកម្ពុជា និងនីតិវិធីដាក់ពាក្យស្នើសុំទិដ្ឋាការពាណិជ្ជកម្ម ៕
