ក្រុមប្រឹក្សាភិបាលនៃធនាគារអភិវឌ្ឍន៍ជនបទ និងកសិកម្ម ប្រជុំក្រុមប្រឹក្សាភិបាល អាណត្តិទី៩ វិសាមញ្ញទី៥ របស់ខ្លួន

ភ្នំពេញ៖ ក្រុមប្រឹក្សាភិបាលនៃធនាគារអភិវឌ្ឍន៍ជនបទ និងកសិកម្ម (ធ.អ.ជ.ក.) បានប្រជុំក្រុមប្រឹក្សាភិបាល អាណត្តិទី៩ វិសាមញ្ញទី៥ របស់ខ្លួន ដើម្បីពិនិត្យ និងពិភាក្សាការអនុវត្ត កម្មវិធីហិរញ្ញប្បទានអាកាសធាតុនៅកម្ពុជា (CCFF) នៅក្នុងដំណាក់កាលទី១  ក្រោមមូលនិធិអាកាសធាតុបៃតង (GCF) និងរបៀបវារៈផ្សេងៗ។

កិច្ចប្រជុំនេះត្រូវបានប្រព្រឹត្តទៅនៅការិយាល័យកណ្ដាលរបស់ធនាគារ ARDB និងតាមប្រព័ន្ធអនឡាញ (តាម Zoom) ក្រោមអធិបតីភាពដ៏ខ្ពង់ខ្ពស់របស់ ឯកឧត្តម រស់ សីលវ៉ា រដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាលនៃ ធ.អ.ជ.ក. នារសៀល ថ្ងៃអង្គារ ៣រោច  ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១២ ខែសីហា ឆ្នាំ២០២៥ ៕