ភ្នំពេញ៖ នាថ្ងៃអង្គារ ១០រោច ខែអាសាឍ ឆ្នាំម្សាញ់ សប្តស័ក ពស២៥៦៩ ត្រូវនឹងថ្ងៃទី១៩ ខែសីហា ឆ្នាំ ២០២៥ លោកវរសេនីយ៍ទោ ទេព រដ្ឋា អធិការនគរបាលស្រុកព្រះនេត្រព្រះ បានអញ្ជើញដឹកនាំកម្លាំង ប្រជុំដាក់ផែនការប្រចាំខែ បញ្ហាក្មេងទំនេីង និងគ្រឿងញៀន ដើម្បីការពារសន្តិសុខ សុវត្ថិភាព សណ្តាប់ធ្នាប់សង្គម បង្ការគ្រោះអគ្គិភ័យ និងបទល្មើសគ្រប់ប្រភេទ ក្នុងភូមិសាស្ត្រស្រុកព្រះនេត្រព្រះ ខេត្តបន្ទាយមានជ័យ។
លោកវរសេនីយ៍ទោ ទេព រដ្ឋា បានថ្លែងកោតសរសើកម្លាំងនគរបាលទាំងអស់ ដែលបានខិតខំអស់ពីកម្លាំងកាយចិត្តសម្រេចបានលទ្ធផលល្អ ក្នុងរយៈពេលកន្លមកនេះ។
លោកវរសេនីយ៍ទោ ទេព រដ្ឋា ក៏បានដាក់ចេញ ផែនការចាំបាច់ដល់កងកម្លាំងនគរបាលទាំងអស់ ពង្រឹងការផ្តល់សេវាសាធារណៈ ជូនប្រជាពលរដ្ឋឲ្យបានល្អ, បន្តពង្រឹងការយាមល្បាត ប្រចាំការ២៤ម៉ោង, ស្រាវជ្រាវបង្ការ បង្ក្រាប បទល្មើស គ្រប់ប្រភេទ និងក្មេងទំនើង, បង្ក្រាបរាល់ទីតាំងជួញដូរបារីអេឡិចត្រូនិច, ពង្រឹងទប់ស្កាត់រាល់ការដុតកាំជ្រួច អណាធិបតេយ្យ, ពង្រឹងទប់ស្កាត់ ទីតាំងបញ្ចាំខុសច្បាប់ និងទីផ្សារទទួលផលចោរកម្ម តាមមូលដ្ឋានឲ្យមានប្រសិទ្ធភាព ៕
