ភ្នំពេញ៖ ឯកឧត្តម សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃរដ្ឋសភា និងជាអនុប្រធានក្រុមការងារចុះមូលដ្ឋានខេត្តកំពង់ធំ និងលោកជំទាវ នាថ្ងៃទី១៧ ខែសីហា ឆ្នាំ២០២៥ បាននាំយកនូវទេយ្យទានរួមមាន៖ អង្ករ មី អំបិល ស្កសរ សាដក់ ប្រេងឆា ព្រមទាំងទៀនចំណាំព្រះវស្សា រួមជាមួយបច្ច័យសម្រាប់កសាង វេរប្រគេនចំពោះព្រះសង្ឃ ដែលគង់ចាំព្រះវស្សា នៅវត្តសុវណ្ណជលសារ (កំពង់ចំលង) នៅឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ។
ពិធីវេរទេយ្យទាន ទៀនចំណាំព្រះវស្សា និងបច្ច័យនេះ មានគោលបំណងឧទ្ទិសនូវកុសល្យផលបុណ្យជូនដល់វីរកងទ័ពដែលបានពលីនៅសរមភូមិមុខ និងបួងសួងសុំសេចក្តីសុខសេចក្តីចម្រើន សូមឱ្យប្រទេសកម្ពុជា ចៀសផុតឆ្ងាយពីគ្រោះអាក្រក់ទាំងឡាយទាំងពួង ប្រជាពលរដ្ឋសុខសប្បាយរស់នៅក្រោមម្លប់សន្តិភាពដ៌យូរអង្វែង ៕
