ភ្នំពេញ៖ ឯកឧត្តម សរ សុពុត្រា អភិបាល នៃគណៈអភិបាលខេត្តស្ទឹងត្រែង រួមជាមួយអាជ្ញាធរមូលដ្ឋាន (ក្រុងស្រុក-ឃុំសង្កាត់) បាននាំយកនូវស្បៀងអាហារ និងថវិកា ដែលបានមកពីកម្លាំងរួបរួមសាមគ្គីគ្នារបស់មហាគ្រួសារប្រជាជនខេត្តស្ទឹងត្រែង ទៅប្រគល់ជូនក្រុមគ្រួសារវីរៈកងទ័ពនៅខ្សែត្រៀមជួរមុខ ក្រុមគ្រួសារពលករមកពីប្រទេសថៃ ជនភៀសសឹក និងក្រុមគ្រួសារជួបការលំបាក ចំនួន ៧គ្រួសារ នៅក្រុងស្ទឹងត្រែង ស្រុកថាឡាបរិវ៉ាត់ និងស្រុកសេសាន ខេត្តស្ទឹងត្រែង។
ជាមួយគ្នានេះ ឯកឧត្តមអភិបាលខេត្ត បានផ្តល់គោលការណ៍មួយចំនួនដល់លោកប្រធានមន្ទីរសុខាភិបាល នៃរដ្ឋបាលខេត្ត និងអាជ្ញាធរមូលដ្ឋាន សូមបន្តយកចិត្តទុកដាក់ និងតាមដានជាប់ជាប្រចាំចំពោះបញ្ហាសុខភាព និងជីវភាពរបស់បងប្អូន ដោយខាងតែបាន ៕
