ភ្នំពេញ៖ នារសៀលថ្ងៃទី៦ ខែសីហា ឆ្នាំ២០២៥ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានដឹកនាំកិច្ចប្រជុំពិភាក្សារវាងលេខាធិការដ្ឋាន គ.ជ.អ.ប. និងអង្គការមូលនិធិអាស៊ី។
កិច្ចប្រជុំនេះមានបំណងពិភាក្សាស្វែងរកពីបញ្ហា និងតម្រូវការជំនួយចាំបាច់របស់រដ្ឋបាលថ្នាក់ក្រោមជាតិ នៅតំបន់ជាប់ព្រំដែនដែលមានជនភៀសសឹក។ ស្វែងរកវិធីដោះស្រាយបញ្ហាពាក់ព័ន្ធនឹងការបាត់បង់ឯកសារសំខាន់ៗរបស់ប្រជាជន និងពិភាក្សាអំពីការបង្កើតក្រុមការងារសម្រាប់ចុះវាយតម្លៃ និងសម្របសម្រួលកិច្ចគាំទ្រដល់រដ្ឋបាលថ្នាក់ក្រោមជាតិ។
ក្នុងកិច្ចប្រជុំនេះមានការអញ្ជើញចូលរួមពីថ្នាក់ដឹកនាំតំណាងនាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ នៃអគ្គនាយកដ្ឋាន និងមន្ត្រីពាក់ព័ន្ធរបស់អង្គការមូលនិធិអាស៊ី ៕
