ឧត្តមសេនីយ៍ឯក សុខ វាសនា ទទួលជួបពិភាក្សាការងារជាមួយ អគ្គរដ្ឋទូត និងជាអនុប្រធានស្ថានបេសកកម្ម នៃស្ថានទូតមីយ៉ាន់ម៉ា ប្រចាំកម្ពុជា

ភ្នំពេញ៖ នាព្រឹកថ្ងៃព្រហស្បតិ៍ ទី២១ ខែសីហា ឆ្នាំ២០២៥ ឯកឧត្តម ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ បានទទួលជួបពិភាក្សាការងារជាមួយ ឯកឧត្តម San Oo អគ្គរដ្ឋទូត និងជាអនុប្រធានស្ថានបេសកកម្មនៃស្ថានទូតសាធារណរដ្ឋសហភាពមីយ៉ាន់ម៉ា ប្រចាំនៅព្រះរាជាណាចក្រកម្ពុជា។

ជំនួបពិភាក្សា គឺផ្តោតសំខាន់លើទំនាក់ទំនងការងារអន្តោប្រវេសន៍ ប្រព័ន្ធផ្តល់ទិដ្ឋាការ និងការស្វែងយល់អំពីការអនុវត្តនីតិវិធីបញ្ជូនចេញចំពោះពលរដ្ឋមីយ៉ាន់ម៉ា ដែលស្នាក់នៅនិងធ្វើការខុសច្បាប់នៅកម្ពុជា និងត្រូវបានរកឃើញនៅក្នុងប្រតិបត្តិការបង្រ្កាបបទល្មើស Online Scams នាពេលកន្លងមក ៕