ភ្នំពេញ៖ លោកបណ្ឌិត ហ៊ុល រឿន អនុប្រធានសមាគមសហព័ន្ធវិនិយោគិនកម្ពុជា និងជានាយកប្រតិបត្តិសមាគមអ្នកលក់ឱសថកម្ពុជា តំណាងឯកឧត្តមបណ្ឌិត សួន រិនឌី សមាជិករដ្ឋសភា នីតិកាលទី៧ និងជាប្រធាន ក្រុមប្រឹក្សាភិបាលសមាគមសហព័ន្ធវិនិយោគិនកម្ពុជា និងឯកឧត្តមឧកញ៉ាសាស្ត្រាចារ្យសមូហកបណ្ឌិត ឡី សុភាព ប្រធានសមាគមសហព័ន្ធវិនិយោគិនកម្ពុជា និងជាប្រធានសមាគមសហព័ន្ធយុវជនសេដ្ឋកិច្ចកម្ពុជា បានរៀបចំអំណោយថ្នាំពេទ្យ បរិក្ខាពេទ្យ និងអាហារក្រៀម ដើម្បីចែកជូនកងទ័ពជួរមុខ និងប្រជាពលរដ្ឋភៀសសឹកនៅខេត្តឧត្តរមានជ័យ រួមមាន៖ ថ្នាំពេទ្យ និងគ្រឿងបរិក្ខាពេទ្យ ៣.០០០កញ្ចប់, ទឹកសុទ្ធ ១០០យួរ, ត្រីងៀតឆ្អិន ៣២កញ្ចប់, នំបុ័ងក្រៀម ៥២០កញ្ចប់, សាច់គោផាត់ និងសាច់ជ្រូកផាត់ ៣៨២កំប៉ុង, បាយក្ដាំង ៣.២៥៥កញ្ចប់, សៀង ៣៣២កំប៉ុង, ទឹកដោះគោស្រស់ ១៩កេស, ផ្លែសាវម៉ៅ ២០គីឡូក្រាម, គ្រឿងឧបភោគ បរិភោគ និងក្រម៉ា ៨៨កញ្ចប់, គិតជាទឹកប្រាក់សរុប៖ ៦៣,១១០ដុល្លារ ៕
