ឯកឧត្តម សុខ ពុទ្ធិវុធ អញ្ជើញថ្លែងសុន្ទរកថាក្នុងសិក្ខាសាលាស្ដីពីការពង្រឹងសមត្ថភាពឌីជីថលរបស់យុវជន និងក្មេងស្រីក្នុងទិវាបច្ចេកវិទ្យាព័ត៌មាន និងទំនាក់ទំនងនៅប្រទេសកម្ពុជា ឆ្នាំ២០២៥

ភ្នំពេញ៖ នារសៀលថ្ងៃទី២១ ខែកក្កដា ឆ្នាំ២០២៥ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍ និងទូរគមនាគមន៍ បានអញ្ជើញថ្លែងសុន្ទរកថាសិក្ខាសាលាស្ដីពីការពង្រឹងសមត្ថភាពឌីជីថលរបស់យុវជន និងក្មេងស្រីក្នុងទិវាបច្ចេកវិទ្យាព័ត៌មាន និងទំនាក់ទំនងនៅប្រទេសកម្ពុជា ឆ្នាំ២០២៥ ក្រោមអធិបតីភាពដ៏ខ្ពង់ខ្ពស់ ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន ដោយមានការអញ្ជើញចូលរួមពី លោកជំទាវ Heena Waleed ប្រធានអ្នកនាំពាក្យការិយាល័យប្រធានាធិបតី ម៉ាល់ឌីវ លោកបណ្ឌិត Cosmas Luckyson Zavazava នាយកផ្នែកអភិវឌ្ឍន៍ទូរគមនាគមន៍ ការិយាល័យ ITU លោកស្រី Philomena Gnapragasam នាយកប្រតិបត្តិ/លេខាធិការដ្ឋានអាស៊ីប៉ាស៊ីហ្វិក វិទ្យាស្ថានអភិវឌ្ឍន៍ការផ្សាយ (AIBD) ឯកឧត្តម លោកជំទាវ លោក លោកស្រី អនុរដ្ឋលេខាធិការ ថ្នាក់ដឹកនាំ និងមន្រ្តីនៃក្រសួងប្រៃសណីយ៍និងទូរគមនាគមន៍ លោក លោកស្រី ភ្ញៀវជាតិ និងអន្តរជាតិ តំណាងក្រសួង ស្ថាប័នពាក់ព័ន្ធ នៅសណ្ឋាគារសុខា ខេត្តសៀមរាប ៕