ភ្នំពេញ៖ នាព្រឹកថ្ងៃព្រហស្បតិ៍ ៨កើត ខែអាសាឍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣ ខែកក្កដា ឆ្នាំ២០២៥ ឯកឧត្តមបណ្ឌិត ហ៊ឺ វីរៈ អ្នកតំណាងរាស្ត្រមណ្ឌលខេត្តកំពង់ឆ្នាំង អមដំណើរដោយក្រុមការងារចុះមូលដ្ឋានស្រុកកំពង់ត្រឡាច និងរដ្ឋបាលភូមិ-ឃុំ បានអញ្ជើញសួរសុខទុក្ខគ្រួសារលោកស្រី ម៉ាន ណាស់ អាយុ ៦៤ឆ្នាំ រស់នៅភូមិជ្រលងកៃស្នារ ឃុំឈូកស ស្រុកកំពង់ត្រឡាច ខេត្តកំពង់ឆ្នាំង ដែលមានជីវភាពខ្វះខាត និងមានផ្ទះចាស់ទ្រុឌទ្រោម ដែលត្រូវការប្រក់ដំបូលថ្មី។
ដោយមើលឃើញពីការលំបាករបស់គ្រួសារលោកស្រី ឯកឧត្តមបណ្ឌិត បានឧបត្ថម្ភស័ង្កសីចំនួន ១៧សន្លឹក និងបានឱ្យរដ្ឋបាលភូមិ-ឃុំ គៀរគរកម្លាំងប្រក់ដំបូលថ្មី ដើម្បីជួយសម្រាលទុក្ខលំបាកជូនគ្រួសារលោកស្រី។ ក្នុងឱកាសនោះ ឯកឧត្តមបណ្ឌិត ក៏បានឧបត្ថម្ភថវិកាមួយចំនួនជូនគ្រួសារលោកស្រីបន្ថែមផងដែរ ៕
