ភ្នំពេញ៖ នាថ្ងៃអាទិត្យ ទី៦ ខែកក្កដា ឆ្នាំ២០២៥ ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានអញ្ជើញដឹកនាំក្រុមការងារ ចុះពិនិត្យកូនឈើលម្អ ជំហានទី១ ដែលបានដាំរួចចំនួន ១,២០០ដើម នៅតាមសងខាងផ្លូវ និងត្រួតពិនិត្យវឌ្ឍនភាពការអភិវឌ្ឍ ក្នុងភូមិប៊ុនរ៉ានីសែនជ័យដំណាក់ទ្រយឹង ឃុំព្រងឹល ស្រុកភ្នំក្រវាញ ខេត្តពោធិ៍សាត់។
បន្ទាប់មក ឯកឧត្តម ខូយ រីដា ក៏បានបន្តចុះត្រួតពិនិត្យការដ្ឋានស្ថាបនាច្រាំងស្ទឹងពោធិ៍សាត់ នៅត្រើយខាងលិច ចាប់ពីចំណុចក្បាលហុង រហូតដល់ស្ពានអាកាសផ្លូវវាងក្រុង ដើម្បីរៀបចំកែច្រាំងស្ទឹង ឱ្យមានសណ្តាប់ធ្នាប់ល្អ មានកន្លែងហាត់ប្រាណ និងលើកកម្ពស់ សោភ័ណភាពទីក្រុងឱ្យកាន់តែស្អាត ៕
