ឯកឧត្តមរដ្ឋមន្រ្តី សុខ សូកេន អញ្ជើញជួបសំណេះសំណាលនិងសាកសួរសុខទុក្ខថ្នាក់ដឹកនាំ និងមន្ត្រីរាជការនៃមន្ទីរអធិការកិច្ចខេត្តព្រះវិហារ

ភ្នំពេញ៖ នាថ្ងៃទី៦ ខែកក្កដា ឆ្នាំ២០២៥ ឯកឧត្តម សុខ សូកេន រដ្ឋមន្រ្តីក្រសួងអធិការកិច្ច បានអញ្ជើញជួបសំណេះសំណាលនិងសាកសួរសុខទុក្ខថ្នាក់ដឹកនាំ និងមន្ត្រីរាជការនៃមន្ទីរអធិការកិច្ចខេត្តព្រះវិហារ។ 

ក្នុងឱកាសនោះ ឯកឧត្តមរដ្ឋមន្ត្រី បានលើកឡើងពីទស្សនវិស័យ និងវឌ្ឍនភាពនៃការពង្រឹងវិស័យអធិការកិច្ច ការចូលរួមយ៉ាងសកម្មពីមន្ទីរអធិការកិច្ចរាជធានីខេត្តដែលជាសេនាធិការអនុវត្តភារកិច្ចការងាររបស់ក្រសួង និងជាពិសេសការពង្រឹងសុខដុមនីយកម្មការងារក្នុងស្ថាប័នដើម្បីធានាបាននូវឯកភាព និងសាមគ្គីភាពផ្ទៃក្នុង ក្នុងគោលដៅពង្រឹងភាពថ្លៃថ្នូរ ក៏ដូចជាឧត្តមភាពស្ថាប័ន ៕