បន្ទាយមានជ័យ៖ នាយប់ថ្ងៃព្រហស្បតិ៍ ១៤រោច ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៤ ខែកក្កដា ឆ្នាំ២០២៥ ក្នុងអំឡុងពេលបំពេញបេសកកម្មនៅខេត្តបាត់ដំបងនោះ ក្នុងនាមជាពុទ្ធបរិស័ទ ឯកឧត្តម ឈួរ សុបញ្ញា សមាជិកយុវជនថ្នាក់កណ្តាល និងជារដ្ឋលេខាធិការនិងជាប្រធានយុវជនគណបក្សក្រសួងធម្មការនិងសាសនា បានអញ្ជើញចូលថ្វាយបង្គំព្រះធម្មាលង្ការមុនីបណ្ឌិត ចាន់ សុជន ព្រះចៅអធិការវត្តប្រាសាទស្រះកណ្តាល (ខ្ចាស់) ឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ និងនាំយកបច្ច័យប្រគេនសមណសិស្សក្នុងពុទ្ធិកសិក្សា១៥០អង្គ ដោយក្នុង ១អង្គ បវរណាចំនួន ១០.០០០រៀល បច្ច័យចូលរួមបុណ្យផ្កា ៥០០.០០០រៀល និងស៊ីម៉ង់ត៍សម្រាប់កសាងធម្មសាល ៥តោន។
ក្នុងឱកាសនោះ ឯកឧត្តម ឈួរ សុបញ្ញា ក៏បានបួងសួងសូមដួងព្រលឹងព្រះមហាវិរៈក្សត្រខ្មែរ កំពូលមេទ័ពខ្មែរ ព្រលឹងដូនតាខ្មែរគ្រប់ជំនាន់ និងបារមីវត្ថុស័ក្តិសិទ្ធិទាំងអស់ សូមជួយឃុំគ្រងថែរក្សាបងប្អូនកងទ័ពខ្មែរ សូមឈ្នះអស់មារសត្រូវ និងជួបតែសេចក្តីសុខសុវត្ថិភាពជានិរន្តរ៍ ៕
