ភ្នំពេញ៖ នារសៀលថ្ងៃទី២៩ ខែមិថុនា ឆ្នាំ២០២៥ នៅទីស្តីការក្រសួងទេសចរណ៍ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអញ្ជើញជាអធិបតីក្នុងពិធីចុះអនុស្សរណៈនៃការយោគយល់រវាងក្រសួងទេសចរណ៍ និងក្រុមហ៊ុន HEILONGJIANG PROVINCE MAIKU INFORMATION TECHNOLOGY CO., LTD. ដោយមានឯកឧត្តម នី ផល្លី រដ្ឋលេខាធិការក្រសួងទេសចរណ៍ និងលោក LI Tao ប្រធានក្រុមប្រឹក្សាភិបាលក្រុមហ៊ុន HEILONGJIANG PROVINCE MAIKU INFORMATION TECHNOLOGY CO., LTD. ជាហត្ថលេខីលើអនុស្សរណៈនៃការយោគយល់នេះ ដែលផ្តោតសំខាន់លើការបង្កើតកិច្ចសហប្រតិបត្តិការទ្វេភាគីអភិវឌ្ឍប្រព័ន្ធថ្នាលឌីជីថលសម្រាប់ការគ្រប់គ្រងឧស្សាហកម្មទេសចរណ៍ និងជួយគាំទ្រអភិវឌ្ឍ Smart Tourism Cambodia Ecosystem ការបង្កើត និងគ្រប់គ្រង Tourism Satellite Accounts, Tourism Data Platform ព្រមទាំង Smart Tourism Dashboard សម្រាប់តាមដានប្រតិបត្តិការ និងសកម្មភាពទេសចរណ៍ប្រចាំថ្ងៃ ការអភិវឌ្ឍធនធានមនុស្ស សម្រាប់ប្រើប្រាស់ និងបម្រើការងារនៅក្រសួងទេសចរណ៍។សូមបញ្ជាក់ជូនថានេះជាអនុស្សរណៈនៃការយោគយល់គ្នាថ្មីទី២ ដែលបានចុះក្នុងក្របខណ្ឌនៃកិច្ចសហប្រតិបត្តិដ៏ល្អរវាងក្រសួងទេសចរណ៍កម្ពុជា និងរដ្ឋបាលខេត្តហេរ៉ុងជាំង ៕
