កំពង់ស្ពឺ៖ ដោយមានការចង្អុលបង្ហាញទម្រង់ទិសនិងយកគំរូដឹកនាំដ៏បុិនប្រសព ឈ្លាសវៃ មុឺងម៉ាត់របស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស នៅរសៀលថ្ងៃទី១៦ ខែកញ្ញា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញជាអធិបតីដឹកនាំប្រជុំបូកសរុបលទ្ធផលការងារជ្រើសរើស យោធិន នៃកងរាជអាវុធហត្ថខេត្តកំពង់ស្ពឺ ដែលបានចែកពាក្យចាប់ពីថ្ងៃទី០៣ ខែកញ្ញា ឆ្នាំ២០២៦ ដល់ ថ្ងៃទី១២ ខែកញ្ញា ឆ្នាំ២០២៦ និងចាប់ទទួលពាក្យពីថ្ងៃទី៤ ខែកញ្ញា ឆ្នាំ២០២៦ ហើយត្រូវបានបិទបញ្ជប់ត្រឹមថ្ងៃទី១៥ ខែកញ្ញា ឆ្នាំ២០២៦ ថ្មីកន្លងទៅនេះ។
កិច្ចប្រជុំនេះដែរដំណើរការទៅនៅសាលប្រជុំបញ្ជាការដ្ឋានកងរាជអាវុធហត្ថខេត្តកំពង់ស្ពឺ ហើយមានចូលរួមពីសំណាក់ លោកមេបញ្ចាការរង ទទួលជំនាញកសាងកម្លាំង លោកប្រធានមន្ទីរកសាងកម្លាំង, លោកនាយការិយាល័យបុគ្គលិក លោកមេបញ្ជាការក្រុង-ស្រុក ព្រមទាំងនាយទាហាន នាយទាហានរងផងដែរ ៕
