ភ្នំពេញ៖ តាមប្រភពព័ត៌មានដែលអង្គភាពយើងទទួលពីជនរងគ្រោះ បានបញ្ជាក់ប្រាប់ថាពួកគាត់ ៩នាក់ ត្រូវបានចាញ់បោកបុគ្គលម្នាក់ដែលស្គាល់រាប់អានគ្នាអស់ចាប់ពី ១០០០$ ដល់ ៦០០០$ សរុប 35700$ ដោយធានាអះអាងសន្យាថារូបគេមានស្គាល់ថៅកែចិនហើយត្រូវការអ្នកបើកឡានអោយជនជាតិចិនបានប្រាក់ខែច្រើន តែមុននឹងបានបើកឡានលុះត្រាមានក្របខ័ណ្ឌរដ្ឋជាទាហានជាមុនសិនទើបអាចធ្វើការងារនេះបាន ដោយអោយពួកគាត់ត្រូវបង់លុយជាមុនសិនដើម្បីរត់ក្របខ័ណ្ឌជាទាហាន ។
បុគ្គលម្នាក់នេះមានឈ្មោះ ជា ឆេង (ជា សំណាង ឈ្នោះក្នុងអត្តសញ្ញាណប័ណ្ណ) ដោយបុគ្គលរូបនេះបានអះអាងថាខ្លួនជាមន្ត្រីយោធា មានឋានន្តរសក្ដិថ្នាក់ឧត្តមសេនីយ៍ទោ ផ្កាយពីរ ក្រសួងការពារជាតិ នៅក្បែរអ្នកធំទៀតផង។ បុគ្គលម្នាក់នេះបានប្រើប្រាស់លេខទូរស័ព្ទ ០៩៨ ៥៦ ៥៥ ៥២ និង០៣១ ៣០១ ១១១១ ៤ (បច្ចុប្បន្នបានបិទ)។ បុគ្គលម្នាក់នេះបានប្រើល្បិចកលដោយ ធ្វើឯកសារចំនួន បង្កាន់ដៃ មានហត្ថលេខា ត្រា និងយកឈ្នោះថ្នាក់ដឹកនាំក្រសួងការពារជាតិ និងកំណត់ពេលវេលាជាក់ទៀតផង និងបុគ្គលម្នាក់នេះបានស្លៀកពាក់ ឯកសណ្ឋានយោធាមានពាក់ផ្កាយពីទៀតផង មកបោកបញ្ឆោតពួកគាត់ ព្រោះតែជាមនុស្សស្គាល់គ្នារាប់អានគ្នានិងឃើញបែបនេះ ទើបបណ្តាលឲ្យពួកគាត់បាញ់បោកជាបន្តបន្តាប់ដូចនេះ។
ក្នុងករណីនេះកើតហេតុក្នុងអំឡុងខែគុម្ភះ ឆ្នាំ២០២៥ ក្រោយពីបានលួងលោមបោកបញ្ឆោតយកប្រាស់រួចអស់ហើយ ដល់ពេលកំណត់ដែលបានសន្យាគ្នា បុគ្គលម្នាក់នេះបានបិទទូរស័ព្ទ ផ្តាច់ការទំនាក់ទំងចាប់តាំងពីថ្ងៃទី២៣ ខែកុម្ភះ ឆ្នាំ២០២៥។
សូមបញ្ចាក់ផងដែរថា លុយដែលគាត់បានចាញ់បោកបុគ្គលនេះ គឺសុទ្ធតែលុយដែលពួកគាត់ខ្មីបុលចងការពីអ្នកដ៏ទៃ ដើម្បីយកទៅឲ្យឈ្មោះ ជា ឆេង ដែលបានអះអាងថាខ្លួនជាមន្ត្រីយោធា មានឋានន្តរសក្ដិថ្នាក់ឧត្តមសេនីយ៍ទោ ផ្កាយពីរ ក្រសួងការពារជាតិ ហើយនៅក្បែរអ្នកធំទៀតម្នាក់នេះ។
សូមស្នើរដល់សមត្ថកិច្ចពាក់ព័ន្ធមេត្តាមានចំណាត់ការស្រាវជ្រាវវែកមុខបុគ្គលម្នាក់ឈ្មោះ ជា ឆេង (ជា សំណាង) ដែលបានតាំងខ្លួនជាមន្រ្តីយោធា ថ្នាក់ឧត្តមសេនីយ៍ទោ ផ្កាយពីរ ក្នុងក្រសួងការពារជាតិ ដែលបានបោកប្រាស់លុយពលរដ្ឋក្រីក្រជាថ្នូរនឹងការរត់ឯកសារការងារនេះ មកអនុវត្តតាមច្បាប់ឲ្យខានតែបានទទួលខុសត្រូវ ព្រោះកុំអោយបុគ្គម្នាក់នេះដើរបោកប្រាស់ពលរដ្ឋផ្សេងៗទៀត ជាពិសេសទង្វើរបស់បុគ្គលម្នាក់បានប៉ះពាល់ដល់ស្ថាប័នក្រសួងការពារជាតិទាំងមូល និងឈ្មោះថ្នាក់ដឹកនាំថែមទៀតផង។
ថ្មីៗនេះឃើញថា បុគ្គលដែលបានតាំងខ្លួនជាមន្ត្រី ហើយទៅបោកប្រាស់ប្រជាពលរដ្ឋក្រោមរូបភាពផ្សេងៗត្រូវបានសមត្ថកិច្ចធ្វើការវែកមុខស្រាវជ្រាវឃាត់ខ្លួនបានជាបន្តបន្ទាប់ផងដែរ សង្ឈឹមថាករណីខាងលើនេះ គ្រប់ក្រសួងស្ថាប័នមានសមត្ថកិច្ចពាក់ព័ន្ធនិងមានចំណាត់ចំបុគ្គលម្នាក់នេះយ៉ាងមុឺងម៉ាត់ដាច់ខាត ៕
